Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն որոշմամբ, 18.05.2006թ. թիվ 912-Ն որոշման 8-րդ, 8.1-րդ 9-րդ, 11-րդ, 18-րդ կետերով և հիմք ընդունելով ք․ Երևան Սարի-թաղ, 9 շարք թիվ 110 տան բնակիչ Մեխակ Մարտիրոսյանի դիմումը՝ սեփականության իրավունքով իրեն պատկանող, Զովաբեր համայնք, 2-րդ փողոց, 3-րդ նրբանցք թիվ 33 հասցեում գտնվող 5200քմ մակերեսով հողատարածքում ինքնակամ կառուցված 633․45քմ մակերեսով անասնաշենքը, 9․30քմ մակերեսով պահակակետը, 10․37քմ մակերեսով օժանդակ շինությունը, 18․92քմ մակերեսով պարիսպն օրինական ճանաչելու մասին, նկատի ունենալով, որ շինությունների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք` որոշում եմ.

1. Սեփականության իրավունքով Մեխակ Կամոյի Մարտիրոսյանին պատկանող, Գեղարքունիքի մարզ, Զովաբեր համայնք, 2-րդ փողոց, 3-րդ նրբանցք թիվ 33 հասցեում գտնվող 5200քմ մակերեսով հողատարածքում կառուցված 633․45քմ մակերեսով անասնաշենքի /ներքին մակերեսը՝ 585․56քմ/, 9․30քմ մակերեսով պահակակետի/ ներքին մակերեսը՝ 6․98քմ/, 10․37քմ մակերեսով օժանդակ շինության / ներքին մակերեսը՝ 8․53քմ/, 18․92քմ մակերեսով պարսպի /հաշվառման տեղեկանք՝ 2023MNKZF3/ կառուցման աշխատանքները ճանաչել օրինական՝ համայնքի բյուջե մուծելով օրինականացվող շինությունների յուրաքանչյուր 1քմ-ի համար՝ 1311 դրամ:
2. Սույն որոշման ընդունման օրվանից սահմանված գումարը 60-օրյա ժամկետում չվճարելու դեպքում` սույն որոշումը համարվում է ուժը կորցրած:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է` Մեխակ Մարտիրոսյանին սույն որոշման ընդունման մասին իրազեկելու օրվան հաջորդող օրվանից: