Սեվանի քաղաքապետարանի պաշտոնական կայք

03.12.22 ՍԵՎԱՆ ՀԱՄԱՅՆՔԻ ՂԵԿԱՎԱՐ ՍԱՐԳԻՍ ՄՈՒՐԱԴՅԱՆԻ ՈՒՂԵՐՁԸ ՀԱՇՄԱՆԴԱՄՆԵՐԻ ՄԻՋԱԶԳԱՅԻՆ ՕՐՎԱ ԱՌԹԻՎ

Արդեն 30 տարի դեկտեմբերի 3-ին աշխարհը նշում է Հաշմանդամների միջազգային օրը: Օրվա հռչակմամբ կրկին կարևորվում են հաշմանդամություն ունեցող անձանց խնդիրները, նրանց կյանքի որակի բարելավմանն ուղղված միջոցառումներն ու ծրագրերը, որոնց առանցքում հավասար հնարավորությունների ստեղծումն ու ապահովումն է։ 2020թ. 44-օրյա պատերազմի ընթացքում և դրա հետևանքով շատ զինծառայողներ դարձան հաշմանդամ և այսօր էլ շարունակում են անցնել բուժման և վերականգնողական կուրսեր: Իհարկե, պետության կողմից իրականացվող ծրագրերն ու միջոցառումներն նպատակաուղղված են մեր վիրավոր ու հաշմանդամ զինծառայողների առողջության վերականգնմանն ու պահպանմանը, սոցիալական խնդիրների մեղմացմանը, սակայն համայնքն էլ պատրաստակամ է լրացնելու պետական աջակցության ... Մանրամասն

02.12.22 Ամփոփելով 2022-ի նոյեմբերը

Սևանի համայնքապետարանի ՔԿԱԳ Սևանի տարածքային սպասարկման գրասենյակում ամփոփվել է 2022-ի նոյեմբեր ամսվա վիճակագրությունը: ՔԿԱԳ սպասարկման գրասենյակի պատասխանատու Գուրգեն Իգնաթևոսյանի կողմից ներկայացված հաշվետվության համաձայն՝ այս տարվա նոյեմբեր ամսին կատարվել է ծննդյան 18 գրանցում, որից 4-ը՝ Սևան քաղաքում, Լճաշեն բնակավայրում՝ 2, Դդմաշեն բնակավայրում՝ 1, Զովաբեր բնակավայրում՝ 4, Ծովագյուղ բնակավայրում՝ 5, Վարսեր բնակավայրում` 1, Գեղամավան բնակավայրում` 1 ծնունդ։ Գրանցված նորածիններից 7-ը աղջիկ է, 11-ը՝ տղա։ Նոյեմբեր ամսին Սևանի համայնքապետարանի աշխատակազմի ՔԿԱԳ սպասարկման գրասենյակում գրանցվել է 16 ամուսնություն, 1 ամուսնալուծություն տրվել է հայրության որոշման 8 ակտ, 26 կրկնօրինակ, 27 տեղեկանք, ... Մանրամասն

01.12.22 ԻՐԱԶԵԿՈՒՄ

2022 թվականի դեկտեմբերի 1-ից մինչև 2023 թվականի հունվարի 20-ը սիգի ձվադրման ժամանակահատվածում իրականացվող համատեղ միջոցառումների ծրագրի շրջանակներում ս/թ դեկտեմբերի 5-ին` ժամը 15:00-ին, Սևանի բիզնես կենտրոնում տեղի է ունենալու հանդիպում` մասնակցությամբ «Սևան» ազգային պարկ» ՊՈԱԿ-ի, ՀՀ Գեղարքունիքի մարզպետարանի, ՀՀ Ոստիկանության Գեղարքունիքի մարզային վարչության, բնապահպանական և ընդերքի տեսչական մարմնի կենսաբազմազանության վերահսկողության վարչության, բնապահպանական և ընդերքի տեսչական մարմնի Գեղարքունիքի տարածքայինի ներկայացուցիչների:
Սևան համայնքի հարգելի բնակիչներ Հրավիրում ենք հանդիպման` ակնկալելով ակտիվ մասնակցություն:

01.12.22 Աշնան վերջին օրը «Զարթոնք»-ում

Աշնանը նվիրված ցերեկույթների վերջին ակորդը Սևանի Ս. Պետրոսյանի անվա թիվ 2 «Զարթոնք» մսուր-մանկապարտեզում էր, որտեղ Աշնան թագուհու հրավիրած պարահանդեսին հյուրընկալվել էին աշնան ամիսները` իրենց հետ բերելով աշնան գույները, բերք ու բարիքը, աշնանը բնորոշ բնության երևույթները, կենդանիների ձմեռացման տեսարաններ: Այս ամենը մանկապարտեզի դաստիարակչուհիներ Լիլիթ Օհանյանի, Լիլիթ Մարգարյանի և Ռուզաննա Աղաջանյանի սաները համեմեցին թեմատիկ երգերով, պարային կոմպոզիցիաներով: Մանկապարտեզի դահլիճը շնչում էր աշնան բույրերով, լի էր աշնան բարիքներով, իսկ երեխաների կատարումները, աշնան ամիսներին բնորոշ անցումները լրացնում էին օրվա տրամադրությունը: Ցերեկույթի մասնակիցներն ու ներկաները վայելեցին աշնան վերջին ... Մանրամասն

01.12.22 «Լավ լուրեր» շարքից

Գագարին նախագծի գործընկերների՝ «Համայնքների կայուն զարգացման նորարար լուծումներ» ՀԿ-ի և Հայաստանում Նիդերլանդների թագավորության միջև կնքվել է «Ընդլայնվելով դեպի Գագարինի հովիտ» նոր ծրագրի համագործակցության համաձայնագիր։
Ծրագրի շրջանակներում Գագարին նախագծի 5 բնակավայրերի՝ Զովաբեր, Դդմաշեն, Ծաղկունք, Գեղամավան, Վարսեր, համայնքային բոլոր կառույցներում, ինչպես նաև Ծաղկունք գյուղի տնային բոլոր տնտեսություններում կտեղադրվեն աղբի տեսակավորման արկղեր։
Գործնական ընթացք է ստանում Նախագծի բնակավայրերում աղբի հավաքման և վերամշակման մշակույթի ներդրման նախաձեռնությունը, որը նպատակ ունի զրոյացնել տարածքում կենցաղային աղբի գեներացումն ու աղբավայրերի գոյացումը։

30.11.22 Դդմաշենի մանկապարտեզում հյուրընկալվել էր աշունը

Սևան համայնքի նախադպրոցական ուսումնական հաստատություններում իշխում է աշնանային տրամադրությունը, և միմյանց են հաջորդում աշնանը նվիրված ցերեկույթները:
Հերթականն էլ տեղի ունեցավ Դդմաշեն բնակավայրի մանկապարտեզում, որտեղ դաստիարակչուհի Լիլիթ Բաբախանյանի սաները տարվա առատ ու բերքաբեր եղանակը ներկայացրին սցենարային հետաքրքիր լուծումներով և անցումներով:
Մանկապարտեզի դահլիճը ևս շնչում էր աշնանային գույներով. բերք ու բարիքի առատություն էր, որոնք դարձել էին բանաստեղծական տողեր ու երգեր փոքրիկների շուրթերին:

30.11.22 «Գալիք»-ի 23-ամյա նավարկությունը

Սևան համայնքի թիվ 4 «Գալիք» մսուր-մանկապարտեզը 1999թ.-ին իր դռները վերաբացեց փոքրիկների առաջ ու արդեն 23 տարի անխոնջ նավարկում է` նորանոր սերունդներին ճանապարհելով դպրոց: Մանկան օջախի անցած տարիներն իմասատավորվել են հաջողությունների հերթագայմամբ, դժվարությունների հաղթահարմամբ, հաղթանակների բերկրանքով, մանկակրթման ոլորտում ունեցած ձեռքբերումներով: Սևանի թիվ 4 «Գալիք» մանկապարտեզը` հայացքն ուղղած գալիքին, զինված երեխայակենտրոն աշխատանքով ու ծրագրերով, շարունակում է իր ճանապարհը: Ծննդյան հերթական` 23-րդ տարեդարձի առթիվ էլ մանկապարտեզում կազմակերպվել էր հանդիսություն: Մանկապարտեզի սաներն իրենց երգն ու պարը, բազմաժանր կատարումները նվիրեցին իրենց սիրելի օջախի տարեդարձին` ի ցույց ... Մանրամասն

30.11.22 Սևան համայնքի ղեկավար Սարգիս Մուրադյանը մասնակցել է Բարձր մակարդակի համաժողովին

Հայաստանի Համայնքների միության ֆեյսբուքյան էջից տեղեկանում ենք, որ ԵՄ կողմից ֆինանսավորվող «Քաղաքապետերի դաշնագիր՝ Արևելյան գործընկերություն» ծրագրի շրջանակներում 2022 թվականի նոյեմբերի 29-30-ը Վրաստանի մայրաքաղաք Թբիլիսիում անցկացվել է «Քաղաքապետերի դաշնագրի 10-ամյակն Արևելյան գործընկերության տարածաշրջանում» խորագրով բարձր մակարդակի համաժողով։ Այն հյուրընկալել է ավելի քան 150 մասնակիցների, այդ թվում՝ Հայաստանի, Ադրբեջանի, Վրաստանի, Մոլդովայի և Ուկրաինայի տեղական ու ազգային իշխանությունների, տեղական պաշտոնյաների ասոցիացիաների և այլ շահագրգիռ կողմերի, ինչպես նաև ԵՄ կառույցների, ԵՄ անդամ պետությունների ու միջազգային կազմակերպությունների ներկայացուցիչներ։ Հայաստանի պատվիրակության ... Մանրամասն

1 2 3 4 5 6 7 8 9 10 ...