ՆԱԽԱԳԻԾ

Համայնքապետարան է դիմել ք. Սևան, Նալբանդյան փողոց թիվ 3 տան բնակիչ Դավիթ Ղուկասյանը, սեփականության իրավունքով իրեն պատկանող ք. Սևան, Նաիրյան փողոց թիվ 166/6 հասցեում գտնվող անշարժ գույքի նպատակային և գործառնական նշանակությունը Սևան քաղաքի / բնակավայրի / լրամշակված գլխավոր հատակագծին համապատասխանեցնելու խնդրանքով: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ կառավարության` 02.02.2002թ. և 29.12.2005թ. 2387-Ն, թիվ 88 որոշումով, ՀՀ քաղաքաշինության մասին օրենքի 143 կետով, հիմք ընդունելով ՀՀ քաղաքաշինության նախարարության կողմից հաստատված Սևան քաղաքի / բնակավայրի / գլխավոր հատակագծի լրամշակման մասին` 12.03.2016թ.-ի N 18 եզրակացությունը և ք. Սևան, Նալբանդյան փողոց թիվ 3 տան բնակիչ Դավիթ Ղուկասյանի դիմումը` սեփականության իրավունքով իրեն պատկանող ք. Սևան, Նաիրյան փողոց թիվ 166/6 հասցեում գտնվող անշարժ գույքի նպատակային և գործառնական նշանակությունները Սևան քաղաքի / բնակավայրի / լրամշակված գլխավոր հատակագծին համապատասխանեցնելու մասին, որոշում եմ.

1. Ք. Սևան, Նաիրյան փողոց թիվ 166/6 հասցեում գտնվող` արդյունաբերության ընդերքօգտագործման և այլ արտադրական նշանակության համար նախատեսված 0.0228հա մակերեսով հողատարածքի նպատակային և գործառնական նշանակությունը համապատասխանեցնել Սևան քաղաքի / բնակավայրի / լրամշակված գլխավոր հատակագծին` բնակավայրերի նշանակության` հասարակական կառուցապատման: 2. Ք. Սևան, Նաիրյան փողոց թիվ 166/6 հասցեում գտնվող վարչական շենքի նպատակային նշանակությունը փոխել հասարակականի, գործառական նշանակությունը` առևտրի սրահի: 3. Սույն որոշումը հիմք է պետական գրանցում ստանալու համար: 4. Սույն որոշումն ուժի մեջ է` Դավիթ Ղուկասյանին որոշման ընդունման մասին իրազեկելու օրվան հաջորդող օրվանից: