Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀ օրենքի 143 հոդվածով, հիմք ընդունելով ք․ Սևան, Գագարին Թումանյան փողոց թիվ 5 / 5 բնակարանի բնակիչ Մերուժան Հակոբյանի դիմումը՝ ք․ Սևան, գյուղ Գագարին Երիտասարդական թիվ 1 շենքի հարավ-արևմտյան հատվածում՝ ավտոտնակներ շարքում, համայնքային սեփականություն հանդիսացող հողատարածքի վրա իր կողմից ինքնակամ կառուցված 29․92քմ մակերեսով ավտոտնակը, և 29․9քմ մակերեսով հողամասը օրինականացնելու մասին, ինչպես նաև հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ Հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ․
1. Ք․ Սևան, գյուղ Գագարին Երիտասարդական թիվ 1 շենքի հարավ-արևմտյան հատվածում՝ ավտոտնակներ շարքում, համայնքային սեփականություն հանդիսացող հողատարածքի վրա Մերուժան Գարեգինի Հակոբյանի կողմից ինքնակամ կառուցված 29․92քմ մակերեսով ավտոտնակը /ներքին մակերեսը՝25․66քմ/, և զբաղեցրած 29․9քմ մակերեսով հողատարածքը ճանաչել համայնքային սեփականություն հողամասի գործառնական նշանակությունը համարել փոփոխված՝ բնակավայրի ընդհանուրից` բնակավայրի բնակելի կառուցապատման: 2. Մերուժան Հակոբյանի կողմից ինքնակամ կառուցված 29․92քմ մակերեսով ավտոտնակը, և 29․9քմ մակերեսով հողատարածքը ճանաչել օրինական /հաշվառման տեղեկանք 2023FTA4QM/ տրամադրելով՝ Սևան համայնք, ք․ Սևան, գյուղ Գագարին Երիտասարդական փողոց թիվ 1 / 6 ավտոտնակ հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման, այդ թվում՝ համայնքային սեփականության ճանաչման և գրանցման ծախսերն իրականացվում են ինքնակամ կառույցն իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: 5. Սույն որոշումն ուժի մեջ է` Մերուժան Հակոբյանին սույն որոշման ընդունման մասին իրազեկելու օրվան հաջորդող օրվանից: