Խորհրդակցության սկզբում անդրադարձ կատարվեց տրված հանձնարարականների կատարմանը, որին հաջորդեցին առաջիկա երկու շաբաթվա համար տրվող հանձնարարականները

Հանձնարարվեց`

Ա. Ղուկասյանին`

- Նախապատրաստել ավագանու հերթական նիստի օրակարգը, որոշման նախագծերը և տրամադրել ավագանու անդամներին.
- Հետևել համայնքապետարանի փաստաթղթաշրջանառությանը՝ համագործակցելով բնակավայրերի աշխատակիցների հետ.
- Կազմակերպել աշխատակազմի համայնքային ծառայողների թափուր հաստիքների համար հայտարարված մրցույթների գործընթացը.
- Հետևել փաստաթղթաշրջանառությանը, համագործակցել բնակավայրերի վարչական ղեկավարների հետ, պահպանել գրությունների ուղարկման ժամկետները.
- Ապահովել համայնքում առաջիկայում իրականացվող հանրային լսումների իրազեկման գործընթացը.

է. Ղազարյանին`

- Նախապատրաստել համայնքի բյուջեի 2024թվականի 1-ին եռամսյակի հաշվետվությունը.
- Նախապատրաստել որոշման նախագիծ համայնքի բյուջեում աղբահանության գծով եկամուտների վերանայման մասով.
- Ներկայացնել տեղեկատվություն համայնքում ֆիզիկական և իրավաբանական անձանց խոշոր ապառքների վերաբերյալ, ներկայացնել վարչարարություն կիրառելու մեխանիզմները.

Ա. Հովհաննիսյանին`

- Իրականացնել վերահսկողություն համայնքի ՆՈՒՀ-երում, ըստ անհրաժեշտության ներկայացնել զեկուցագրեր ՆՈՒՀ-երի խմբերի կամ հաստատությունների փակելու վերաբերյալ՝ պայմանավորված հիվանդությունների բռնկմամբ.
- Սևան համայնքի արտադպրոցական ուսումնական հաստատություններում կազմակերպվող միջոցառումների, նախաձեռնությունների և ցուցահանդեսների վերաբերյալ ներկայացնել ամփոփ տեղեկատվություն.
- Շարլ Ազնավուրի 100-ամյակին նվիրված միջոցառումների կազմակերպման համար հրավիրել խորհրդակցություն ՀՈԱԿ-ների տնօրենների մասնակցությամբ և ներկայացնել միջոցառումների ժամանակացույցը.

Ա. Հարությունյանին`

- Շարունակել համագործակցությունը տեղական և միջազգային կազմակերպությունների հետ ԼՂ-ից բռնի տեղահանված և Սևան համայնքում բնակվող արցախցիների հումանիտար աջակցությունը կազմակերպման նպատակով.

Ա. Ավետիսյան՝

- Համայնքի բոլոր վարչական ղեկավարների նստավայրերում փակցնելու համար պատվիրել նոր ցուցանակներ.
- Հետևել գնման գործընթացների կազմակերպման ժամկետներին և օրենսդրության համապատասխանությանը.

Զ. Հարությունյանին`

- Համագործակցել բնակավայրերի վարչական ղեկավարների հետ գարնան գյուղատնտեսական նախապատրաստական աշխատանքների գործընթացի շրջանակներում, միաժամանակ ներկայացնել տեղեկատվություն իրականացված աշխատանքների վերաբերյալ.
- Համագործակցել համատիրությունների նախագահների հետ բնակֆոնդի պահպանությանն ուղղված ընթացիկ աշխատանքների կազմակերպման համար, ներկայացնել առկա խնդիրները և իրականացվող աշխատանքների բնույթը.
- Հետևել բնակավայրերում 2016թվականից հետո կառուցված ջրարբիացման համակարգերի չափագրման աշխատանքներին.

Մ. Մկրտչյանին`

- Ներկայացնել տեղեկատվություն բնակավայրերում առկա առաջնահերթությունների և 2024թվականի համար նախատեսվող ծրագրերի վերաբերյալ.
- Իրականացնել մշտադիտարկում համայնքի տարածքում պետական միջոցներով իրականացվող ծրագրերի շինաշխատանքների նկատմամբ.
- Կազմակերպել նոր ներկայացվող սուբվենցիոն ծրագրերի նախագծա-նախահաշվային փաստաթղթերի կազմման գործընթացը. Վարչական ղեկավարներին`
- Ներկայացնել տեղեկատվություն բնակավայրերում իրականացվող գարնանացան աշխատանքների վերաբերյալ.
- Ներկայացնել բնակավայրերում առկա հիմնախնդիրները, աշխատանքների ծավալը.
- Ներկայացնել այն ծրագրերը, որոնք առաջնահերթ են և անհրաժեշտ է ներառել 2025թվականի համար ներկայացվող սուբվենցիոն հայտերում: