Խորհրդակցության սկզբում բաժինների պետերը, վարչական ղեկավարները, և բաժինների աշխատանքներ համակարգողները ներկայացրին տրված հանձնարարականների ուղղությամբ իրականացված աշխատանքները:

Աշխատանքների ներկայացումից հետո տրվեցին համապատասխան հանձնարարականներ

Հանձնարարվեց`

Ա. Հովհաննիսյանին`

- Ներկայացնել տեղեկատվություն հանրակրթությունից դուրս մնացած աշակերտների վերաբերյալ` համագործակցելով հանրակրթական ուսումնական հաստատությունների տնօրենների հետ.
- Ներկայացնել տեղեկատվություն ՆՈՒՀ-երում իրականացված ներքին գնահատման արդյունքների վերաբերյալ.
- Նոր ուսումնական տարվա առթիվ կատարել շրջայցեր համայնքի արտադպրոցական ուսումնական հաստատություններում, գույքագրել առկա խնդիրները և ներկայացնել տեղեկատվություն ընդունելության կազմակերպման վերաբերյալ.

Ա. Հարությունյանին`

- Ներկայացնել տեղեկատվություն Սևան քաղաքի բնակարանային ֆոնդի հետ կապված առկա խնդիրների և դրանց լուծման վերաբերյալ.

Ա. Ղուկասյանին՝

- Սևան համայնքի բնակավայրերում ոռոգման ցանցի հետ կապված խնդիրների վերհանում, լուծման տարբերակների ներկայացում` համագործակցելով վարչական ղեկավարների հետ.
- Նախապատրաստական աշխատանքների իրականացում Սևան համայնքի ավագանու 4-րդ նստաշրջանի 1-ին նիստի աշխատանքների հետ կապված.

Զ. Հարությունյանին`

- «Խելացի անասնագոմերի կառուցում» ծրագրի հետ կապված բնակավայրերում իրազեկման հանդիպումների կազմակերպում.
- Սեպտեմբերի 6-ին կազմակերպվող հանդիպման նախապատրաստական աշխատանքների իրականացում` մասնակցությամբ ՀՀ Էկոնոմիկայի նախարարության և մարզպետարանի ներկայացուցիչների.
- Նալբանդյան փողոցի թիվ 30 շենքի առկա վիճակի և խնդիրների կարգավորման վերաբերյալ ներկայացնել տեղեկատվություն.

Մ. Մկրտչյանին`

- 2024թվականին իրականացվելիք սուբվենցիոն ծրագրերի նախագծանախահաշվային փաստաթղթերի պատրաստման գործընթացի վերաբերյալ տեղեկատվության տրամադրում.
- Հսկողություն սահմանել սուբվենցիոն ծրագրերի շրջանակներում համայնքում իրականացվող շինարարական օբյեկտների շինաշխատանքների նկատմամբ` համագործակցելով վարչական ղեկավարների հետ.
- Ներկայացնել տեղեկատվություն Սևան քաղաքի ճանապարհային սխեմայի կազմման աշխատանքների վերաբերյալ.

Վարչական ղեկավարներին`

- Բնակիչներին իրազեկել ՀՀ կառավարության կողմից իրականացվող գյուղատնտեսական նշանակության ծրագրերի, դրանց մասնակցության պայմանների վերաբերյալ: