Խորհրդակցության սկզբում բաժինների պետերը, վարչական ղեկավարները, և բաժինների աշխատանքներ համակարգողները ներկայացրին տրված հանձնարարականների ուղղությամբ իրականացված աշխատանքները:
Աշխատանքների ներկայացումից հետո տրվեցին համապատասխան հանձնարարականներ

Հանձնարարվեց`

Է. Ղազարյանին`

- Պատրաստել Սևան համայնքի 2023թվականի բյուջեի 1-ին կիսամյակի կատարողականը` համայնքի ավագանու առաջիկա նիստին ներկայացնելու համար.
- Ներկայացնել աղբահանության ծառայությունների դիմաց գանձված եկամուտները և ծախսերը.
- Աշխատանքներ իրականացնել «Սևան համայնքի կոմունալ սպասարկում և բարեկարգում» ՀՈԱԿ-ի հետ աղբահանության ծառայությունների դիմաց կնքվող պայմանագրերի վերաբերյալ.

Ա. Հովհաննիսյանին`

- Նախադպրոցական ուսումնական հաստատությունների դաստիարակների վերապատրաստման գործընթացի առկա վիճակի վերաբերյալ ներկայացնել տեղեկատվություն.
- Համահայկական 8-րդ խաղերի նախապատրաստական աշխատանքներն իրականացնել` համագործակցելով Ն. Դագարյանի անվան մանկապատանեկան մարզադպրոցի տնօրինության հետ, ներկայացնել առկա խնդիրները.

Զ. Հարությունյանին`

- Համագործակցել վարչական ղեկավարների հետ և ներկայացնել բնակավայրերում գյուղատնտեսական աշխատանքների ընթացիկ վիճակը.

Ա. Ղուկասյանին`

- Համապատասխան գրություններ ուղարկել համայնքում գործող պետական կազմակերպություններին` աշխատակիցների` համայնքի նկատմամբ հարկային պարտավորությունները ճշտելու և համապատասխան հանձնարարականներ տալու նպատակով.
- Համայնքի բնակավայրերի վարչական ղեկավարների միջոցով ապահովել «Դրոշի մասին» ՀՀ օրենքի պահանջները.
- Զովաբեր բնակավայրում ջրամատակարարման համակարգի ստուգման նպատակով հարուցված վարչական վարույթի շրջանակներում իրականացնել համապատասխան աշխատանքներ.

Մ. Մկրտչյանին`

- Նախապատրաստել ամփոփ հաշվետվություն համայնքում իրականացվող ծրագրերի, դրանց ընթացքի վերաբերյալ.
- Ներկայացնել տեղեկատվություն համայնքի վարչական տարածքում ապօրինի գովազդային վահանակների ապամոնտաժման աշխատանքների վերաբերյալ` համագործակցելով համ,ապատասխան կառույցների հետ: