Քննելով քաղաքացի Հակոբ Կարապետյանին կառուցապատման իրավունքով պատկանող հողատարածքում տեղադրված շինությունների առկայության փաստը պարզեցի
ՀՀ Գեղարքունիքի մարզի դատախազի 12.04.2025 և 23.04.2025 թվականների գրությունների համաձայն ուսումնասիրվեց քաղաքացի Հակոբ Կարապետյանին կառուցապատման իրավունքով պատկանող /պայմանագիրըը՝ կնքված 14.06.2018թ․/ հողատարածքում գտնվող տեղադրված ոչ հիմնական շինությունների առկայության փաստը։ Պարզվեց, որ քաղաքացին խախտելով ՀՀ կառավարության 24․09.2001 թվականի N 896-Ն, 19.03.2015 թվականի N 596-Ն, որոշումների, ՀՀ «Քաղաքաշինության մասին» օրենքի 23-րդ հոդվածի պահանջները իրեն կառուցապատման իրավունքով պատկանող հողատարածում տեղադրել է 10 (տաս) վագոն–տնակներ։ Ոչ հիմնական շինությունները տեղադրվել են 2005 թվականին։ Համաձայն ՀՀ «Քաղաքացիական օրենսգրքի» 188-րդ հոդվածի 1-ին կետի պահանջների այդ շինությունները հանդիսանում են ինքնակամ։ Ղեկավարվելով ՀՀ «ՏԻՄ» մասին օրենքի 35-րդ հոդվածի 1-ին կետի 24-րդ ենթակետի, 42–րդ հոդվածի 2-րդ մասի, 1-ին կետի պահանջներով որոշում եմ 1․ Պահանջել քաղաքացի Հակոբ Կարապետյանից ապամոնտաժելու (քանդել) ինքնակամ տեղադրված շինությունները։ 2․ Պահանջել քաղաքացուց տարածքում կառուցապատումը իրականացնել ՀՀ օրենսդրության պահանջներին համապատասխան։ 3․ Սույն որոշման 1-ին կետի պահանջները չկատարելու դեպքում հարցը լուծել ՀՀ օրենքով սահմանված կարգով։ 4.Սույն որոշումը կարող է բողոքարկվել դատական կարգով երկու ամսվա ընթացքում։ 5․ Սույն որոշումը ուժի մեջ է մտնում կողմերին պատշաճ ծանուցելուն հաջորդող օրվանից։