Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն որոշմամբ, 18.05.2006թ. թիվ 912-Ն որոշման 9-րդ, 10-րդ, 11-րդ 18-րդ կետերով, հիմք ընդունելով քաղ. Խաչատուր Ֆերոյանի դիմումը՝ ընդհանուր բաժնային սեփականության իրավունքով Խաչատուր և Սուսաննա Ֆերոյաններին պատկանող, Գեղարքունիքի մարզ, Սևան համայնք, գ. Ծովագյուղ, 13-րդ փողոց թիվ 38 հասցեում գտնվող 0.27077հա մակերեսով հողատարածքում սեփականատերերի կողմից ինքնակամ կատարված շինարարական աշխատանքներն օրինականացնելու մասին, նկատի ունենալով, որ շինությունների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.

1. Ընդհանուր բաժնային սեփականության իրավունքով Խաչատուր և Սուսաննա Ֆերոյաններին պատկանող, Սևան  համայնք, գ. Ծովագյուղ, 13-րդ փողոց թիվ 38 հասցեում գտնվող 0․27077հա մակերեսով հողատարածքի վրա սեփականատերերի կողմից 2020թ. ինքնակամ կառուցված 133․45քմ մակերեսով ավտոտնակը /ներքին մակերեսը՝ 109․37քմ/, 27․73քմ մակերեսով ավտոտնակ-նկուղը /ներքին մակերեսը՝ 22․67քմ/ ճանաչել օրինական /հաշվառման տեղեկանք՝ 2023KQVZQ8/ համայնքի բյուջե մուծելով յուրաքանչյուր օրինականացվող 1քմ շինության համար՝ 874․0 դրամ:
2․Սույն որոշման ընդունման օրվանից սահմանված գումարը 60-օրյա ժամկետում չվճարելու դեպքում` սույն որոշումը համարվում է ուժը կորցրած:
3․ Սույն որոշմամբ ծագող սեփականության իրավունքը ենթակա է պետական գրանցման:
4․ Սույն որոշումն ուժի մեջ է` Խաչատուր Ֆերոյանին սույն որոշման ընդունման մասին իրազեկելու օրվան հաջորդող օրվանից: