ՆԱԽԱԳԻԾ

Ղեկավարվելով «Տեղական ինքնակառավարման մասին» օրենքի 48-րդ հոդվածի 3-րդ մասով, հիմք ընդունելով Սևան համայնքի ավագանու՝ 12.02.2025 թվականի N 13-Լ որոշման պահանջները, հաշվի առնելով բնակիչների կողմից ստացված սոցիալական աջակցության դիմումները, դիմումների հիման վրա հանձնաժողովի կողմից իրականացված կարիքների գնահատումը՝ որոշում եմ.

1. Կարիքների գնահատման արդյունքների հիման վրա Սևան համայնքի սոցիալապես անապահով բնակիչներին ընդգրկել աջակցության տրամադրման ծրագրում: 2. Սոցիալական աջակցությունը կազմակերպել սննդային փաթեթների տրամադրման միջոցով (յուրաքանչյուր փաթեթի արժեքը՝ 20.000 ՀՀ դրամ): 3. Համայնքային բյուջեից սոցիալական աջակցության ծրագրի իրականացման համար հատկացնել 3 մլն. դրամ: 4. Սննդային փաթեթների ձեռքբերումը կազմակերպել գնանշման հարցման ընթացակարգով: 5. Սննդային փաթեթների տրամադրումը կազմակերպել քարտերի միջոցով: 6. Հանձնաժողովին՝ 6.1 Գործընթացի ավարտից հետո ներկայացնել հաշվետվություն: 7. Սույն որոշումն ուժի մեջ է մտնում հրապարակմանը հաջորդող օրվանից։