Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Հողային օրենսգրքի 64-րդ հոդվածի 8-րդ կետով, Սևան համայնքի ավագանու՝ 10․03․2022թ. N 28-Ա որոշմամբ, հիմք ընդունելով ք. Սևան Բաբաջանյան փողոց թիվ 6Ա տան բնակիչ Գեղամ Ավետիսյանի դիմումը՝ կառուցապատման իրավունքով իրեն պատկանող, ք. Սևան, Սայաթ-Նովա փողոց թիվ 19 հասցեում գտնվող 32․86քմ մակերեսով տաղավար-խանութի զբաղեցրած 0.0036հա մակերեսով հողատարածքն ուղղակի վաճառքի կարգով իրեն օտարելու և 0.0036հա մակերեսով հողատարածքում գտնվող խանութ-տաղավարն անհատույց սեփականության իրավունքով իրեն նվիրելու մասին, ինչպես նաև նկատի ունենալով, որ ք. Սևան, Սայաթ-Նովա փողոց թիվ 19 հասցեում գտնվող տաղավար-խանութի զբաղեցրած հողատարածքը չի հանդիսանում ՀՀ Հողային օրենսգրքի 60-րդ հոդվածով նախատեսված հողատարածք,  որոշում եմ.

1. Գեղարքունիքի մարզ,   Սևան համայնք, ք․  Սևան, Սայաթ-Նովա փողոց թիվ 9 հասցեում գտնվող  32․86քմ մակերեսով տաղավար-խանութի զբաղեցրած 0․0036հա մակերեսով հողատարածքը /վկայական՝ 18052022-05-0003/, հողի կադաստրային արժեքով՝ 1քմ՝ 4441․8 դրամ, ուղղակի վաճառքի կարգով օտարել քաղ․ Գեղամ Գուրգենի Ավետիսյանին:
2. Գեղամ Ավետիսյանին նվիրել իր կողմից և իր միջոցներով կառուցված  Գեղարքունիքի մարզ, Սևան համայնք, ք․  Սևան, Սայաթ-Նովա փողոց թիվ 9 հասցեում գտնվող խանութ-տաղավարը։
3. Սույն որոշումն ուժի մեջ է` պաշտոնական հրապարակմանը հաջորդող օրվանից: