Խորհրդակցության սկզբում բաժինների պետերը, վարչական ղեկավարները, և բաժինների աշխատանքներ համակարգողները ներկայացրին տրված հանձնարարականների ուղղությամբ իրականացված աշխատանքները:
Աշխատանքների ներկայացումից հետո տրվեցին համապատասխան հանձնարարականներ

Հանձնարարվեց`

Ա. Հարությունյանին`

- Համակարգել ԼՂ-ից բռնի տեղահանված և Սևան համայնքում բնակություն հաստատած անձանց ընդունման աշխատանքները` ներգրավելով համայնքի ղեկավարի կարգադրությամբ ստեղծված հանձնաժողովի անդամների.
- Կազմակերպել հումանիտար աջակցության գործընթացը` համագործակցելով ՀՀ Գեղարքունիքի մարզպետի աշխատակազմի, բարեգործական կազմակերպությունների և հիմնադրամների հետ.

Ա. Ղուկասյանին`

- Ամենօրյա պարբերականությամբ ներկայացնել ԼՂ-ից բռնի տեղահանված անձանց հաշվառումը ըստ բնակավայրերի և կեցության վայրերի, ամենօրյա ամփոփը տրամադրել ՀՀ Գեղարքունիքի մարզպետի աշխատակազմ, իրավասու կառույցներին. 
-Ծանուցումներ ուղարկել ՀՈԱԿ-ների տնօրեններին և բնակավայրերի վարչական ղեկավարներին աշխատակիցներին հարկային պարտավորությունների կատարման, կուտակված պարտքերը մարելու համար.

 Ա. Հովհաննիսյանին`

- Կատարել ԼՂՀ-ից տեղահանված անձանց կարիքների գնահատում` ներգրավելով սոցիալական աշխատողին.
- Պարբերաբար աշխատել համայնքի տարածքում գործող ուսումնական հաստատությունների տնօրենների հետ` ԼՂ-ից տեղահանված դպրոցահասակ երեխաների շարժը վերահսկելու նպատակով.
- Ճշտել և ցուցակագրել ԼՂ-ից տեղահանվածներին, որոնք չունեն անձը հաստատող փաստաթղթեր.

Մ. Մկրտչյանին՝

- Հետևել ընթացիկ տարում իրականացվող սուբվենցիոն ծրագրերի շինաշխատանքներին` համագործակցելով կապալառու կազմակերպությունների հետ.
- Շարունակել 2024թվականին իրականացվելիք սուբվենցիոն ծրագրերի նախագծանախահաշվային փաստաթղթերի ամբողջացման գործընթացի վերաբերյալ փաստաթղթերի հավաքագրումը.

Է. Ղազարյանին`

- Սեփական եկամուտների կատարումն ապահովելու նպատակով ծանուցումներ ուղարկել ֆիզիկական, իրավաբանական անձանց հարկային պարտավորությունների կատարման վերաբերյալ.
- Համագործակցելով «Սևան համայնքի կոմունալ սպասարկում և բարեկարգում» ՀՈԱԿ-ի տնօրինության հետ` ապահովել աղբահանության ծառայությունների դիմաց պայմանագրերի կնքման գործընթացը` ընդգրկելով համայնքի տարածքում գործող բոլոր տնտեսվարողներին և իրավաբանական անձանց.

Դ. Թորոսյանին`

- Համագործակցել ՀՀ Գեղարքունիքի մարզպետի աշխատակազմի հետ և ամենօրյա պարբերականությամբ ներկայացնել Սևան համայնքի վարչական տարածքում գտնվող հյուրանոցներում, հանգստի գոտիներում ԼՂ-ից տեղահանված անձանց բնակության վերաբերյալ տեղեկատվություն` նշելով բնակվողների անունները /ստորագրությամբ/.
- Մինչ ս/թ հոկտեմբերի 25-ը ԼՂ-ից տեղահանված և միգրացիա չանցած անձանց հաշվառումը.

Ս. Համբարձումյանին`

- Համագործակցել պետական և մասնավոր կառույցների հետ ԼՂ-ից տեղահանված անձանց հումանիտար օգնության ստացման և բաշխման համար` ներկայացնելով ամփոփ հաշվետվություններ:

Վարչական ղեկավարներին`

- Ամենօրյա պարբերականությամբ հաշվառել և Սևանի համայնքապետարանի աշխատակազմ ներկայացնել բնակավայրերում բնակվող տեղահանված արցախցիների գրանցամատյանները, կատարել կարիքների գնահատում և ներկայացնել առկա խնդիրները.
- Հետևել բնակավայրերում իրականացվող սուբվենցիոն ծրագրերի ընթացքին, գույքագրել առկա խնդիրները: