Քննելով քաղաքացի Հայկ Թադևոսյանին կառուցապատման իրավունքով պատկանող հողատարածքում /պայմանագիր` 23.05.2006թ․/ ինքնակամ շինությունների առկայության փաստը` պարզեցի.  ՀՀ Գեղարքունիքի դատախազի՝ 12.04.2025թ. և 23.04.2025թ․ գրություններով  ուսումնասիրվեց քաղաքացու կողմից նախկին կենտրոնական հիվանդանոցի հարևանությամբ իրեն պատկանող հողատարածքում ինքնակամ տեղադրել է շինություններ։ Պարզվել է, որ քաղաքացի Հայկ Թադևոսյանի կողմից կառուցապատման իրավունքով պատկանող հողատարածքում շինությունները տեղադրվել են՝  խախտելով ՀՀ կառավարության 2001 թվականի սեպտեմբերի 24-ի N 896, ՀՀ կառավարության 2015 թվականի մարտի 19-ին 596–Ն որոշումների,  ՀՀ «Քաղաքաշինության մասին» օրենքի 23-րդ հոդվածի պահանջները։ Համաձայն ՀՀ «Քաղաքաշինության օրենսգրքի» 188–րդ հոդվածի 1-ին կետի՝ այդ շինությունները հանդիսանում են ինքնակամ շինություններ։ Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի,  42–րդ հոդվածի 2-րդ մասի 1-ին կետի պահանջներով՝ որոշում եմ.

1․ Պահանջել քաղաքացի Հայկ Թադևոսյանից /ք. Սևան, Ս. Սևանեցու փ., 3 բն. հասցե/ ապամոնտաժելու (քանդել) հողատարածքում տեղադրված ինքնակամ շինությունները երեք ամսվա ընթացքում։
2․ Պահանջել քաղաքացուց տարածքում կառուցապատումն իրականացնել ՀՀ օրենսդրության պահանջներին համապատասխան։
3․ Սույն որոշման 1-ին կետի պահանջները չկատարելու դեպքում հարցը լուծել ՀՀ օրենքով սահմանված կարգով։
4.Սույն որոշումը կարող է բողոքարկվել երկու ամսվա ընթացքում ՀՀ վարչական դատարան։
5․ Սույն որոշումն ուժի մեջ է մտնում առձեռն կամ օրենքով սահմանված կարգով պատշաճ իրազեկելու օրվան հաջորդող օրվանից։