Խորհրդակցության սկզբում բաժինների պետերը, վարչական ղեկավարները, և բաժինների աշխատանքներ համակարգողները ներկայացրին տրված հանձնարարականների ուղղությամբ իրականացված աշխատանքները: Աշխատանքների ներկայացումից հետո տրվեցին համապատասխան հանձնարարականներ
Հանձնարարվեց`
Ա. Ղուկասյանին`
- Կազմակերպել և իրականացնել դեկտեմբերի 7-ին` Երկրաշարժի 35-րդ տարելիցին և Աղետների, ռիսկերի դիմակայման օրվան նվիրված միջոցառումներ, իրազեկման արշավներ` համագործակցելով ՀՈԱԿ-ների և համապատասխան կառույցի հետ: Իրականացված աշխատանքները լուսաբանել. - Բնակավայրեր ուղարկել 2023 թվականին գույքագրում իրականացնելու վերաբերյալ կարգադրությունը համապատասխան փաստաթղթերով. - Հետևել համայնքապետարանի փաստաթղթաշրջանառությանը, գրությունների ուղարկման ժամկետներին և պատշաճ կատարմանը.
Ս. Համբարձումյանին`
- Կազմակերպել հումանիտար աջակցության գործընթացը` համագործակցելով բարեգործական կազմակերպությունների և հիմնադրամների հետ. - Աջակցության տրամադրումից հետո կազմակերպել համապատասխան փաստաթղթերի ձևակերպումները:
Է. Ղազարյանին`
- Համայնքի 2024թ. բյուջեի կազմման գործընթացը կազմակերպելու համար համագործակցել ՀՈԱԿ-ների տնօրենների հետ, ներկայացնել նախնական ելակետային թվեր. - Ներկայացնել տեղեկատվություն համայնքում գործունեություն իրականացնող ընդերքօգտագործող ընկերությունների` համայնքի նկատմամբ սոցպարտավորությունների կատարման վերաբերյալ.
Ա. Հովհաննիսյանին`
- Պարբերաբար աշխատել համայնքի տարածքում գործող ուսումնական հաստատությունների տնօրենների հետ` ԼՂ-ից տեղահանված դպրոցահասակ երեխաների շարժը վերահսկելու նպատակով. - Իրականացնել հաշվառում համայնքի ՆՈՒՀ-եր հաճախող և հերթագրված արցախցի երեխաների մասով. - Պատշաճ կազմակերպել խնամակալության և հոգաբարձության աշխատանքները, տնայցերը կատարել ժամանակին, դատական նիստերին ներկայանալ անհրաժեշտ փաստաթղթերով.
Մ. Մկրտչյանին`
- Ներկայացնել տեղեկատվություն 2023թվականի սուբվենցիոն ծրագրերի շրջանակներում իրականացված ենթածրագրերի վերաբերյալ: Նախապատրաստել ավարտական փաստաթղթերը: - Հետևել բաժնի գործառույթների պատշաճ կատարմանը. - Ներկայացնել տեղեկատվություն համայնքի ճանապարհային երթևեկության սխեմայի կազմման գործընթացի վերաբերյալ. - Ներկայացնել տեղեկատվություն համայնքում առկա հասարական և արտադրական շենքերի մատչելիության վերաբերյալ.
Դ. Թորոսյանին`
- Համայնքում իրականացվող և իրականացվելիք ծրագրերի մասով համագործակցել տեղական և միջազգային կազմակերպությունների հետ, ներկայացնել անհրաժեշտ փաստաթղթերը և տվյալները.
Զ. Հարությունյանին`
- Համագործակցել համատիրությունների նախագահների հետ` բնակֆոնդին վերաբերող խնդիրների լուծման, համայնքի ենթակառուցվածքների բարելավման ծրագրերի իրականացման համար.
Վարչական ղեկավարներին`
- Ամենօրյա պարբերականությամբ հաշվառել և Սևանի համայնքապետարանի աշխատակազմ ներկայացնել բնակավայրերում բնակվող տեղահանված արցախցիների գրանցամատյանները, կատարել կարիքների գնահատում և ներկայացնել առկա խնդիրները: |