Սևան համայնքի տարածքում կառուցապատման և վարձակալության իրավունքով հողատարածքների տրամադրման մրցութային հանձնաժողովին էր ներկայացվել ք. Սևան, Աբովյան փողոց թիվ 6 / 5 հասցեում գտնվող, տաղավարի տեղադրման նպատակով նախատեսված 40քմ մակերեսով տարածքը մրցույթի միջոցով տրամադրման հարցը: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Հողային օրենսգրքի 48, 481, 60 և 80-րդ հոդվածներով, հիմք ընդունելով 06.07.2020թ. կայացած մրցույթի արդյունքների վերաբերյալ Սևան համայնքի տարածքում կառուցապատման և վարձակալության իրավունքով հողատարածքների տրամադրման մրցութային հանձնաժողովի կողմից կազմված արձանագրությունները, որոշում եմ.
1. Ք. Սևան, Աբովյան փողոց թիվ 6 / 5 հասցեում գտնվող 40քմ մակերեսով հողատարածքը /վկայական` 05-004-0023-0066/, տաղավարի տեղադրման նպատակով, 25 տարի կառուցապատման իրավունքով, 1քմ` 325 դրամ տարեկան վճարով, տրամադրել մրցույթում հաղթող ճանաչված ք. Սևան, Աբովյան փողոց թիվ 1/28 բնակարանի բնակիչ Աշոտ Բարսեղյանին` համաձայն մրցույթի արդյունքների: 2. Քաղ. Աշոտ Բարսեղյանի հետ կնքել կառուցապատման իրավունքի պայմանագիր: 3. Սույն որոշմամբ ձեռք բերված տարածքի կառուցապատման իրավունքը ենթակա է պետական գրանցման: 4. Սույն որոշումն ուժի մեջ է` Աշոտ Բարսեղյանին սույն որոշման ընդունման մասին իրազեկելու օրվան հաջորդող օրվանից: