Սևանի համայնքապետարան է դիմել ք. Սևան, Նաիրյան փողոց թիվ 175 / 43 բնակարանի բնակիչ Լուսինե Մանուկյանը` ք. Սևան, Կ. Դեմիրճյան փողոց թիվ 3 շենքի հյուսիսային մասում, իր կողմից ինքնակամ կառուցված 26.6քմ մակերեսով գեղեցկության սրահը, օրինականացնելու խնդրանքով: Ուսումնասիրությունից պարզվել է, որ ք. Սևան, Նաիրյան փողոց թիվ 175 / 43 բնակարանի բնակիչ Լուսինե Մանուկյանը` ք. Սևան, Կ. Դեմիրճյան փողոց թիվ 3 շենքի հյուսիսային մասում, համայնքային սեփականություն հանդիսացող հողատարածքի վրա իր կողմից ինքնակամ կառուցել է 26.6քմ մակերեսով գեղեցկության սրահ: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀ օրենքի 143 հոդվածով և հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Լուսինե Մանուկյանի դիմումը` ք. Սևան, Կ. Դեմիրճյան փողոց թիվ 3 շենքի հյուսիսային մասում, իր կողմից ինքնակամ կառուցված 26.6քմ մակերեսով գեղեցկության սրահը օրինականացնելու մասին, որոշում եմ.
1. Ք. Սևան, Կ. Դեմիրճյան փողոց թիվ 3 շենքի հյուսիսային մասում, Լուսինե Կարապետի Մանուկյանի կողմից ինքնակամ կառուցված 26.6քմ մակերեսով գեղեցկության սրահը / ներքին մակերեսը` 23.26քմ / և զբաղեցրած 26.6քմ մակերեսով հողատարածքը ճանաչել համայնքային սեփականություն հողամասի գործառնական նշանակությունը համարելով փոփոխված` բնակավայրի ընդհանուր օգտագործումից` բնակավայրի հասարակական կառուցապատման: 2. Համայնքային սեփականություն ճանաչված ք. Սևան, Կ. Դեմիրճյան փողոց թիվ 3 շենքի հյուսիսային մասում, Լուսինե Մանուկյանի կողմից ինքնակամ կառուցված 26.6քմ մակերեսով գեղեցկության սրահը, ճանաչել օրինական տրամադրելով ք. Սևան, Կ. Դեմիրճյան փողոց թիվ 1 / 1 հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերը իրականացվում են ինքնակամ կառույցը իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: 5. Սույն որոշումն ուժի մեջ է` Լուսինե Մանուկյանին սույն որոշման ընդունման մասին իրազեկելու օրվան հաջորդող օրվանից: