Սևանի համայնքապետարան է դիմել ք. Սևան, Նաիրյան փողոց թիվ 150/5 բնակարանի բնակիչ Սոնյա Ավետիսյանը` ք. Սևան, Սայաթ-Նովա փողոցի թիվ 9 շենքի արևելյան հատվածում ինքնակամ տեղադրված 12.20 քմ մակերեսով տաղավարը օրինականացնելու խնդրանքով: Ուսումնասիրությունից պարզվել է, որ ք. Սևան, Նաիրյան փողոց թիվ 150/5 բնակարանի բնակիչ Սոնյա Ավետիսյանը` ք. Սևան, Սայաթ-Նովա փողոցի թիվ 9 շենքի արևելյան հատվածում ինքնակամ տեղադրել է 12.20քմ մակերեսով տաղավար: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀ օրենքի 143 հոդվածով և հաշվի առնելով, որ տաղավարը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Սոնյա Ավետիսյանի դիմումը` ք. Սևան, Սայաթ-Նովա փողոցի թիվ 9 շենքից արևելյան հատվածում ինքնակամ տեղադրված 12.20քմ մակերեսով տաղավարը օրինականացնելու մասին, որոշում եմ.
1. Ք. Սևան, Սայաթ-Նովա փողոցի թիվ 9 շենքի արևելյան հատվածում Սոնյա Արտավազդի Ավետիսյանի կողմից ինքնակամ տեղադրված 12.20քմ մակերեսով տաղավարը /ներքին մակերես` 11.50քմ/ և զբաղեցրած ու սպասարկման համար նախատեսված 112.22քմ մակերեսով հողատարածքը ճանաչել համայնքային սեփականություն հողամասի գործառնական նշանակությունը համարել փոփոխված և համապատասխանեցնել Սևան քաղաքի լրամշակված գլխավոր հատակագծին` բնակավայրի հասարակական կառուցապատման: 2. Համայնքային սեփականություն ճանաչված ք. Սևան, Սայաթ-Նովա փողոցի թիվ 9 շենքի արևելյան հատվածում Սոնյա Ավետիսյանի կողմից ինքնակամ տեղադրված 12.20քմ մակերեսով տաղավարը ճանաչել օրինական տրամադրելով ք. Սևան, Սայաթ-Նովա փողոց թիվ 9 / 37 հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերը իրականացվում են ինքնակամ կառույցը իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: 5. Սույն որոշումն ուժի մեջ է` Սոնյա Ավետիսյանին սույն որոշման ընդունման մասին իրազեկելու օրվան հաջորդող օրվանից: