Համայնքի 2009թ. 9 ամսվա բյուջեի կատարումը ընթացել է հետևյալ ցուցանիշներով`
ԵԿԱՄՈՒՏՆԵՐԻ ԿԱՏԱՐՈՒՄ
Համայնքի 2009թ. 9 ամսում բյուջեի եկամուտների պլանը կատարվել է 69.6%-ով, 330.6 մլն. դրամ ճշտված պլանային եկամուտների դիմաց հավաքագրած և պետական բյուջեից հատկացված դոտացիան կազմել է 230.3մլն. դրամ: Նախորդ` 2008թ. նույն ժամանակաշրջանի համեմատությամբ համայնքի բյուջեն թերակատարվել է 40.1%-ով կամ պակաս եկամուտները կազմել են 154.1մլն. դրամ:
2009թ. 9 ամսվա բյուջեի վարչական մասը կատարվել է 79.6 %-ով / պլան 277.0 մլն. դրամ, փաստացի 220.7 մլն. դրամ /: 2008թ.նույն ժամանակաշրջանի համեմատ բյուջեի վարչական մասում ավել եկամուտները կազմել են 19.2 մլն. դրամ կամ վարչական բյուջեի եկամուտները 2008թ. համեմատությամբ ավելացել են 9.5%: Վարչական բյուջեում սեփական եկամուտները կատարվել են 50.3%-ով / պլան 112.2մլն. դրամ, փաստացի 56.4 մլն. դրամ /: Նախորդ` 2008թ.նույն ժամանակաշրջանի համեմատությամբ սեփական եկամուտները պակասել են 21.1%-ով կամ սեփական եկամուտների հավաքագրումը թերակատարվել է 15.1 մլն. դրամի չափով:
2009թ. 9 ամսվա ֆոնդային բյուջեն կատարվել է 18.0 %-ով / պլան 53.5մլն. դրամ, փաստացի 9.7 մլն.դրամ/, 2008թ. նույն ժամանակաշրջանի համեմատությամբ ֆոնդային բյուջեի եկամուտները պակասելլ են 173.3մլն. դրամ կամ 94.7%-ով:
Համայնքի 2009թ. 9 ամսվա բյուջեի եկամուտների կատարման ավելի մանրամասն տվյալները և համեմատականը 2008թ. նույն ժամանակաշրջանի նկատմամբ բերված է թիվ 1 հավելվածում: Համայնքի 2009թ. 9 ամսվա բյուջեի թերակատարման հիմնական պատճառը հանդիսացել է ֆինանսատնտեսական ճգնաժամի ազդեցությունը ինչպես իրավաբանական, այնպես էլ ֆիզիակական անձանց վճարունակության վրա, իսկ ֆոնդային բյուջեի թերակատարման նման ցածր թերակատարումը պայմանավորված է հողի և հիմնական միջոցների օտարումների բացակայությամբ:
ԾԱԽՍԵՐԻ ԿԱՏԱՐՈՒՄ
Եկամուտների կատարման մակարդակից ելնելով` կատարվել է համայնքի 2009թ. 9 ամսվա բյուջեի ծախսերը: Համայնքի բյուջեի ծախսերը կատարվել է 65.9 %-ով: 370.0մլն.դրամ պլանային ծախսերի դիմաց փաստացի կատարվել է 243.7 մլն. դրամի ծախս կամ թերակատարումը կազմել է 126.3 մլն. դրամ:
Ըստ առանձին ոլորտների` համայնքի 2009թ. 9 ամսվա բյուջեի ծախսերը կատարվել են տարբեր տոկոսներով: Կրթության, մշակույթի ծախսերը ֆինանսավորվել են ամբողջ պահանջի չափով,բացառությամբ սեպտեմբեր ամսվա: Գումարների բացակայության հետևանքով թվով 11 ՀՈԱԿ սեպտեմբեր ամսվա հասանելիք ֆինանսավորումը չեն ստացել: Վարչական բյուջեի ծախսերը ապահովվել է 70.4%-ով (278.0մլն. դրամ պլան, 205.6 մլն. դրամ փաստացի ծախս), թերակատարումը կազմել է 72.4 մլն. դրամ, այդ թվում 11.5 մլն. դրամ` ընդհանուր բնույթի համայնքային ծառայություններ, 37.4մլն.դրամ` կրթության և մշակույթի ծախսեր, 5.8 մլն.դրամ`շրջակա միջավայրի պաշտպանություն, 2.6 մլն. դրամ սոցիալական այլ ծրագրերի գծով ծախսեր և այլն:
2008թ. 9 ամսվա համեմատությամբ 2009թ. նույն ժամանակաշրջանի վարչական բյուջեի ծախսերը ավելին են կատարվել 4.5մլն. դրամ կամ 2.3 %-ի չափով:
2009թ. 9 ամսվա համայնքի բյուջեի ֆոնդային մասի ծախսերը կատարվել է 41.4 %-ով / 92.0 մլն. դրամ պլան, 38.1 մլն. դրամ փաստացի ծախս /, նախորդ 2008թ. 9 ամսվա համեմատությամբ ֆոնդային բյուջեի գծով պակաս ծախսերն են կատարվել 202.4 մլն. դրամի չափով:
Համայնքի բյուջեի 2009թ. 9 ամսվա ծախսերը և համեմատականը 2008թ. 9 ամսվա նկատմամբ բերված է թիվ 2 հավելվածում:
Համայնքի 2009թ. 9 ամսվա բյուջեից վճարվել է 20.4 մլն. դրամի չափով ասֆալտապատման, փոսային նորոգում, 8.7մլն. դրամի չափով վերանորոգվել է վարչական շենքը և ձեռք են բերվել համակարգչային սարքավորումներ: Անձրաջրատար ցանցի դիտահորերի նորոգում է կատարվել 5.5մլն. դրամի չափով և 2.5մլն. դրամի չափով գնվել և տեղադրվել են մանկական խաղահրապարակներ: Պատվիրվել են տարբեր նախագծեր 0.9մլն. դրամի չափով:
ՊԱՐՏՔԵՐ
Համայնքի բյուջեի գծով պարտքերը առ 01.01.09թ. դրությամբ կազմում էին 3.1մլն դրամ, այդ թվում 2.9մլն դրամը` կոմունալ ծառայությունների գծով, 0.2մլն. դրամը` հեռախոսային ծառայությունների գծով: Նշված պարտքերը մարվել են ամբողջությամբ:
Առ 01.10.09թ. դրությամբ նոր պարտքեր են առաջացել, սեպտեմբեր ամսվա հաշվարկով` շուրջ 15.0մլն. դրամի չափով և 10.0մլն. դրամի չափով փողոցների փոսային նորոգման գծով:
Ղեկավարվելով ՙՏԻՄ՚ ՀՀ օրենքի 69-րդ հոդվածի և ՙԲյուջետային համակարգի մասին՚ ՀՀ օրենքի 35-րդ հոդվածի 1-ին կետի պահանջներով` Ընդունել ի գիտություն համայնքի 2009թ. 9 ամսվա բյուջեի կատարման մասին հաղորդագրությունը: |