Օգոստոսի 16-ին Սևանի նորարարական բիզնես կենտրոնում կայացավ հանդիպում գործարարների հետ: Նորաբաց շենքում առաջին հանդիպումը ոգևորող էր և հեռանկարանային: Հանդիպման նպատակը բիզնես կենտրոնի գործառույթների ներկայացումն էր, հետագա անելիքների պլանավորումը և մշակված բիզնես պլանների հանձնումը գործարարներին: Կենտրոնի տնօրեն Արմեն Խաչատրյանը ողջունելով գործարարներին նշեց, որ համատեղ աշխատանքը համայնքի զարգացման գրավականն է: Կենտրոնի աշխատանքների կազմակերպիչ Նարինե Անտոնյանը մեջբերեց ՀՀ վարչապետ Նիկոլ Փաշինյանի հայտնի խոսքը, որ մեր երկրում լավագույն ռեսուրսը միտքն է, ապա շարունակեց, թե բիզնես կենտրոնում ցանկացած գաղափար չմշակված ալմաստից վերածվում է ադամանդի: Նարինե Անտոնյանի խոսքը շարունակեց Աստղիկ Հովեյանը ,ներկայացնելով կենտրոնի աշխատանքները, համատեղ անելիքները: Գործարարներին ծանուցվեց հետագա հանդիպումների ժամանակացույցը և թեմաները: |