Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հաշվի առնելով քաղ. Ռուբիկ Պետրոսյանի դիմումը` ք. Սևան, Խաղաղության փողոց թիվ 17 / 3 հասցեում կառուցված 47․39քմ մակերեսով պահեստը և զբաղեցրած 47․39քմ մակերեսով հողատարածքն ուղղակի գործարքով իրեն վաճառելու մասին, ինչպես նաև նկատի ունենալով, որ տաղավարը և զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չեն հանդիսանում,  որոշում եմ.

1. Ք. Սևան, Խաղաղության փողոց թիվ 17 / 3 հասցեում գտնվող, Սևան համայնքի ղեկավարի` 29.01.2021թ. թիվ 91-Ա, 25․03․2021թ․ թիվ 263-Ա որոշումնեով օրինական և համայնքային սեփականություն ճանաչված, 05․04․2021թ. պետական գրանցում ստացած 47․39քմ մակերեսով պահեստը՝ 1քմ՝ 2600դրամ, զբաղեցրած 47․39քմ մակերեսով հողատարածքը՝ 1քմ՝ 1242 դրամ, ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 3-րդ կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Սևան, Խաղաղության փողոց թիվ 17 տան բնակիչ Ռուբիկ Պետրոսյանին:
2. Քաղ. Ռուբիկ Պետրոսյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերը իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է` Ռուբիկ Պետրոսյանին սույն որոշման ընդունման մասին իրազեկելու օրվան հաջորդող օրվանից: