Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հաշվի առնելով քաղ. Էդգար Հարությունյանի դիմումը` ք. Սևան, Սայաթ-Նովա փողոց թիվ 4 / 20 հասցեում կառուցված 2.92քմ մակերեսով աստիճանահարթակը, զբաղեցրած ու սպասարկման համար նախատեսված 37.52քմ մակերեսով հողատարածքն ուղղակի գործարքով իրեն վաճառելու մասին, ինչպես նաև նկատի ունենալով, որ աստիճանահարթակը և զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չեն հանդիսանում, որոշում եմ.

1. Ք. Սևան, Սայաթ-Նովա փողոց թիվ 4 / 20 հասցեում գտնվող, Սևան համայնքի ղեկավարի` 12.01.2021թ. թիվ 8-Ա որոշմամբ օրինական և համայնքային սեփականություն ճանաչված, 21.01.2021թ. պետական գրանցում ստացած 2.92քմ մակերեսով աստիճանահարթակը՝ 1քմ՝ 11700դրամ, զբաղեցրած ու սպասարկման համար նախատեսված 37.52քմ մակերեսով հողատարածքը, որից՝ 5.84քմ՝ 1քմ՝ 1242դրամ, 31.68քմ՝ 1քմ՝ 3726դրամ, ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34-րդ կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Սևան, Գրիբոյեդով փողոց թիվ 7 / 22 բնակարանի բնակիչ Էդգար Հարությունյանին:
2. Քաղ. Էդգար Հարությունյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է` Էդգար Հարությունյանին սույն որոշման ընդունման մասին իրազեկելու օրվան հաջորդող օրվանից: