Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հաշվի առնելով քաղ. Գագիկ Իշխանյանի դիմումը` ք. Սևան, Նալբանդյան փողոց թիվ 14 / 3 հասցեում կառուցված 27․93քմ մակերեսով ավտոտնակը և զբաղեցրած 87․54քմ մակերեսով հողատարածքը, որից՝ 3․57քմ սեփականության իրավունքով, իսկ 83․97քմ՝ ընհանուր բաժնային սեփականության իրավունքով, 24․36/151․81քմ բաժնեմասով ճանաչվել է համայնքային սեփականություն, ուղղակի գործարքով իրեն վաճառելու մասին, ինչպես նաև նկատի ունենալով, որ ավտոտնակը և զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում, որոշում եմ.

1. Ք. Սևան, Նալբանդյան փողոց թիվ 14 / 3 հասցեում գտնվող, Սևան համայնքի ղեկավարի` 19.01.2021թ. թիվ 28-Ա, 15.03.2021թ. թիվ 228-Ա որոշումներով օրինական և համայնքային սեփականություն ճանաչված, 06․04․.2021թ. պետական գրանցում ստացած 27․93քմ մակերեսով ավտոտնակը՝ 1քմ՝ 1300 դրամ,  և զբաղեցրած 87․54քմ մակերեսով հողատարածքը՝ 1քմ՝ 1242 դրամ,  որից՝ 3․57քմ սեփականության իրավունքով, իսկ 83․97քմ՝ ընդհանուր բաժնային սեփականության իրավունքով, 24․36/151․81քմ բաժնեմասով, ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34-րդ կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Աբովյան, Կոտայքի փողոց թիվ 31 տան բնակիչ Գագիկ Իշխանյանին:
2. Քաղ. Գագիկ Իշխանյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է` Գագիկ Իշխանյանին սույն որոշման ընդունման մասին իրազեկելու օրվան հաջորդող օրվանից: