Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 16)-րդ ենթակետի, 18-րդ հոդվածի 1-ին կետի 21)-րդ ենթակետի պահանջներով, հիմք ընդունելով ՀՀ ԱՆ նախարարի տեղակալի և ՀՀ ԱՆ «Դատաբժշկական գիտագործնական կենտրոն» ՊՈԱԿ-ի տնօրենի գրությունները, հաշվի առնելով, որ Սևան համայնքում և տարածաշրջանում կենդանի անձանց և դիակների դատաբժշկական փորձաքննություններ իրականացնելու, ինչպես նաև դիահերձման համար առկա չէ համապատասխան կառույց կամ մասնաշենք՝ 1. Սևան համայնք, Կարմիր բանակի փողոց թիվ 66 / 1 հասցեում գտնվող 156.09քմ մակերեսով շինությունը, 5.59քմ մակերեսով աստիճանահարթակը և շինությունների զբաղեցրած 161.68քմ մակերեսով բնակավայրերի նպատակային նշանակության և հասարակական կառուցապատման գործառական նշանակության հողատարածքը, անհատույց օգտագործման իրավունքով տրամադրել «Դատաբժշկական գիտագործնական կենտրոն» ՊՈԱԿ-ին՝ Սևանի տարածաշրջանում կենդանի անձանց, դիակների դատաբժշկական փորձաքննություններ իրականացնելու և դիահերձման համար:
2. Սևան համայնք, Կարմիր բանակի փողոց թիվ 66 / 2 հասցեում գտնվող, Սևան համայնքի սեփականություն հանդիսացող 300.0քմ մակերեսով գյուղատնտեսական նշանակության նպատակային և այլ գործառնական նշանակության հողատարածքն անհատույց օգտագործման իրավունքով տրամադրել «Դատաբժշկական գիտագործնական կենտրոն» ՊՈԱԿ-ին Կարմիր բանակի փողոց թիվ 66 / 1 հասցեում գտնվող շինությունների սպասարկման համար:
3. Կնքել անհատույց օգտագործման իրավունքի տրամադրման պայմանագիր՝ գործողության ժամկետը՝ մինչև «Դատաբժշկական գիտագործնական կենտրոն» ՊՈԱԿ-ի գործունեության ավարտը:
4. Սույն որոշումն ուժի մեջ է` պաշտոնական հրապարակմանը հաջորդող օրվանից: |