Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 42-րդ կետի պահանջներով, հիմք ընդունելով ՀՀ Գեղարքունիքի մարզում 2020թվականին կանխատեսվող հնարավոր վտանգների նվազեցման և հետևանքների վերացման միջոցառումների պլան-ժամանակացույցի 28-րդ կետը, ինչպես նաև համայնքի բյուջեի սուղ հնարավորությունները՝ 1. Հրատապ ծրագիր համարել ք. Սևան, Գոմաձոր թաղ, Խարհուրդների փողոցից մինչև «Մաշտոցներ» կոչվող տեղամասի 850.0մ սելավատարի հունի մաքրումն ու պատերի վերականգնումը՝ հնարավոր վտանգները կանխելու նպատակով: 2. Հրատապ ծրագրերի շրջանակներում «Ք. Սևան, Գոմաձոր թաղ, Խարհուրդների փողոցից մինչև «Մաշտոցներ» կոչվող տեղամասի 850.0մ սելավատարի հունի մաքրում ու պատերի վերականգնում» ծրագիրը ներկայացնել ՀՀ կառավարություն պետական ֆինանսավորում ստանալու նպատակով: 3. Սույն որոշումն ուժի մեջ է` պաշտոնական հրապարակմանը հաջորդող օրվանից: |